- 80 -

1326. Sept. 17. Liegnitz, auf dem Rathhause.

Die Stadt Liegnitz willkührt die Haltung des magdeburger Rechts, wer dasselbe nicht anerkennen wolle, soll das Bürgerrecht verlieren.

In nomine domini amen. Quoniam conditio humana fragilitati, instabilitati et inequalitati animorum est subiecta, idcirco necesse est, vt omnes acciones ipsius et consilia, que voluit manere incorrupta, litterarum et testium fulcimento perhennentur; hinc est, quod nos consules, jurati, vniuersi seniores populi, vna cum tota communitate plebis ciuitatis Lgnicensis notum fore cupimus vniuersis ciuibus in Legnicz morantibus, tam presentibus quam futuris, omnibus et singulis, quod cum a via iusticie sicut oues errantes in inuio omnes propter nostram fragilitatem essemus deducti, et iure nostro Wratisl., quod ex gracia principum nostrorum peculio multo comparauimus et labore, minime frueremus, tandem optento eodem iure ac denuo cum multis expensis reducto ac reformato, fauore, gracia et voluntate ac sanccioni (sic) perhenni reuerendi principis ac domini nostri ducis Boleslai accedente, cum communi consilio propter omnes defectus nostros et errores et inmutaciones nostri iuris removendas sanccionem ac constitucionem perhennem municipalem inter nos talem statuimus perpetue et inuiolabiliter seruandam, quod quicumque conciuium nostrorum, cuiuscumque condicionis, occulte vel manifeste, verbo vel opere, iura nostra omnia singula Wratisl. predicta infringere, inmutare et cancellare presumeret quocumque modo, tales vel talis nominari ciuis nec ciuis esse poterit in Legnicz ullo modo, in cuius rei euidenciam et firmam memoriam presentem litteram, ne quispiam violare presumat, duximus roborandam. Actum anno domini millesimo trecentesimo vicesimo sexto, in pretorio Legnicensi, decimo quinto kalendas Octobris, tempore Ditwini, magistri consulum ac Johanne Ledirsneyder, Pezoldo de Kalis, Jacobo Lutheri ac Sydilmanno Procotindorff, qui tunc consilium regebant ciuitatis, cuius ciuitatis secretum huic litere est appensum.

Bitschens Privilegb. f. XXII. — Tzschoppe u. Stenzel. S. 512.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866